ឃាតករបាញ់សម្លាប់លោកលឹម គឹមយ៉ា ចាប់បាននៅខេត្តបាត់ដំបងនឹងបញ្ជូនឱ្យសមត្ថកិច្ចថៃវិញ!

ខ្មាន់កាំភ្លើងដែលបាញ់សម្លាប់លោក លីម គឹមយ៉ា អតីតសមាជិកសភាគណបក្សសង្រ្គោះជាតិ ប្រចាំ
មណ្ឌលកំពង់ធំ នៅកណ្តាលទីក្រុងបាងកក ប្រទេសថៃ ខណៈដែលលោកកំពុងចុះពីលើរថយន្តក្រុង
 ត្រូវបានសមត្ថកិច្ចកម្ពុជាចាប់ខ្លួនបានហើយបន្ទាប់ពីខ្មាន់កាំភ្លើងរូបនេះបានរត់គេចខ្លួនមកដល់ស្រុក
មោងឬស្សី ខេត្តបាត់ដំបង។

បើតាមសេចក្តីប្រកាសព័ត៌មានរបស់អគ្គស្នងការដ្ឋាននគរបាលជាតិ បានឱ្យដឹងថា បន្ទាប់ពីហេតុការណ៍
កើតឡើង សមត្ថកិច្ចថៃបានធ្វើការស្រាវជ្រាវ និងបានកំណត់អត្តសញ្ញាណ ជនសង្ស័យមានឈ្មោះ Ekkalak Pheanoi ជនជាតិថៃ កើតឆ្នាំ១៩៨៣ ជាអតីតនាវិកយោធា ស្នាក់នៅ ផ្ទះលេខ ៩៩៩ ផ្លូវសាប់វុធ សង្កាត់បាងណានឿ ខណ្ឌបាងណា ទីក្រុងបាងកក។ ក្រោយពេលធ្វើកម្មភាព ជនសង្ស័យ
រូបនេះបានរត់គេចខ្លួនពីទីក្រុងបាងកក ធ្វើដំណើរឆ្ពោះមកកាន់ខេត្តជាប់ព្រំដែនប្រទេសកម្ពុជា។

អគ្គស្នងការដ្ឋាននគរបាលជាតិ បានឱ្យដឹងទៀតថា បច្ចុប្បន្នជនសង្ស័យរូបនេះបានបញ្ជូនមកស្នង
ការដ្ឋាននគរបាលខេត្តបាត់ដំបង ដើម្បីបន្តនីតិវិធី។ ដោយផ្អែកតាមសំណូមពរស្នើសុំកិច្ចសហការ និងព័ត៌មានដែលបានផ្ដល់ដោយនគរបាលភូមិន្ទថៃ សមត្ថកិច្ចនគរបាលជាតិកម្ពុជានឹងបញ្ជូនជន
សង្ស័យខាងលើទៅប្រទេសថៃវិញ តាមសំណូមពររបស់នគរបាលភូមិន្ទថៃស្របតាមច្បាប់ បន្ទាប់
ពីនគរបាលជាតិកម្ពុជាបញ្ចប់នីតិវិធី៕ ដោយ៖ ភ័ក្រ្តា