Connect with us

ព័ត៌មានជាតិ

ក្រសួងបរិស្ថាននឹងចាត់ការតាមច្បាប់ចំពោះក្រុមហ៊ុនដែលដុតកម្ទេចក្រណាត់និងសំណល់ឧស្សាហកម្មក្នុងឡដែលគ្មានប្រព័ន្ធសម្អាតនិងកាត់បន្ថយសារធាតុបំពុលខ្យល់

ក្រសួងបរិស្ថាន នឹងមានវិធានការតាម
ច្បាប់ជាធរមាន ចំពោះម្ចាស់ក្រុមហ៊ុន រោងចក្រ
ដែលបន្តយកកម្ទេចក្រណាត់ និងសំណល់ឧស្សាហកម្ម ទៅដុតនៅក្នុងឡចំហាយ

Published

on

ក្រសួងបរិស្ថាន បានណែនាំដល់ម្ចាស់ក្រុមហ៊ុន រោងចក្រ សហគ្រាស និងសិប្បកម្ម ឱ្យបានជ្រាបថា ការយកសំណល់កម្ទេចក្រណាត់ និងសំណល់ស្បែកសត្វ សល់ពីការផលិតស្បែកជើង កាបូប និងសម្ភារៈផ្សេងៗ ទៅដុតនៅក្នុងឡចំហាយ ឡកំដៅ ឡឥដ្ឋ ដែលមិនមានបំពាក់ប្រព័ន្ធសម្អាត និងកាត់បន្ថយសារធាតុបំពុលខ្យល់ត្រឹមត្រូវតាមលក្ខណៈបច្ចេកទេស នឹងបណ្តាល ឱ្យមានការបញ្ចេញសារធាតុបំពុលចូលទៅក្នុងបរិយាកាសមិនអនុលោមទៅតាមស្តង់ដារ
កំណត់ដូចមានចែងនៅ ក្នុងអនុក្រឹត្យលេខ ៤២ អនក្រ. បក ស្ដីពីការត្រួតពិនិត្យការបំពុលខ្យល់ និងការរំខានដោយសំឡេង និង ក្រមបរិស្ថាននិងធនធានធម្មជាតិ ដែលនាំឱ្យគុណភាពខ្យល់មានការប្រែប្រួល អាចបង្កផលប៉ះពាល់ដល់ សុខភាពសាធារណៈ និងបរិស្ថាន។

បើតាមសេចក្តីជូនដំណឹងរបស់ក្រសួងបរិស្ថាន បានឱ្យដឹងថា ដើម្បីឆ្លើយតបទៅនឹងស្ថានភាពខាងលើនេះ ក្រសួងបរិស្ថាន បានជូនដំណឹងដល់ក្រុមហ៊ុន រោងចក សហគ្រាស និងសិប្បកម្មទាំងអស់ត្រូវបញ្ឈប់ជាបន្ទាន់ការយកកម្ទេច
ក្រណាត់ និងសំណល់ឧស្សាហកម្មគ្រប់ប្រភេទទៅដុតក្នុងឡចំហាយឡកំដៅ ឬឡឥដ្ឋ ដែលមិនមានបំពាក់ប្រព័ន្ធសម្អាត
និងកាត់បន្ថយសារធាតុបំពុលខ្យល់ត្រឹមត្រូវតាមលក្ខណៈបច្ចេកទេស និងត្រូវរៀបចំបំពាក់ប្រព័ន្ធសម្អាតផ្សែងឱ្យបានត្រឹម
ត្រូវតាមលក្ខណៈបច្ចេកទេស ដើម្បីធានាថា ការបញ្ចេញសារធាតុបំពុលខ្យល់ឆ្លើយតបតាមស្តង់ដារបញ្ចេញ។

ក្រសួងបរិស្ថាន បានគូសបញ្ជាក់ថា ក្នុងករណីក្រសួងរកឃើញថា មានការបន្តយកកម្ទេចក្រណាត់ និងសំណល់ឧស្សា
ហកម្ម ទៅដុតនៅក្នុងឡចំហាយ ឡកំដៅ ឡឥដ្ឋដែលមិនមានបំពាក់ប្រព័ន្ធសម្អាត និងកាត់បន្ថយសារធាតុ បំពុល
ខ្យល់ត្រឹមត្រូវតាមលក្ខណៈបច្ចេកទេស ក្រសួងនឹងមានវិធានការតាមច្បាប់ជាធរមាន ចំពោះម្ចាស់ក្រុមហ៊ុន រោងចក្រ
សហគ្រាស និងសិប្បកម្ម ដោយមិនមានការលើកលែង៕ ដោយ៖ ភ័ក្រ្តា

Sokha Hotels
ព័ត៌មានជាតិ1 month ago

រដ្ឋមន្រ្តីមហាផ្ទៃណែនាំឱ្យសិក្សាបញ្ជូននគរបាលល្មើសវិន័យទៅធ្វើការនៅព្រំដែន

ព័ត៌មានជាតិ1 month ago

សម្តេចតេជោ៖លោកត្រាំក្លាហានចេញដឹកនាំពិភពលោកប្រឆាំងព័ត៌មានក្លែងក្លាយដោយផ្តើមពីព័ត៌មានដែលផ្តល់ថវិកាដោយអាមេរិក

ព័ត៌មានជាតិ2 months ago

១០ថ្ងៃ! សមត្ថកិច្ចបង្ក្រាបក្មេងទំនើងជាង១០ករណីនិងឃាត់ខ្លួនមនុស្សជាង៥០នាក់

ព័ត៌មានជាតិ2 months ago

រដ្ឋមន្រ្តីមហាផ្ទៃ៖បញ្ហាគ្រឿងញៀននៅកម្ពុជាបើមិនមានការពាក់ព័ន្ធនឹងមន្ត្រីអនុវត្តច្បាប់មួយចំនួនទេ បញ្ហាមិនធំដូចបច្ចុប្បន្នឡើយ

ព័ត៌មានជាតិ2 months ago

លោកប៉ែន បូណា៖សម រង្ស៊ី ជាអ្នកនយោបាយអង្ករកំប៉ុងវិលក្បុងដោយសាររត់តោងកន្ទុយក្បិនគេ